नरेन्द्रको यस्तो अवस्था, जीवन बचाउन अपिल
प्युठानको झिमरुक गाउँपालिका वडा नम्बर -७ तुषारा काप्रेखोला निवासी ३५ बर्षका नरेन्द्रबहादुर जि.सी. कलकलाउँदो युवा उमेरमा आफ्नो दुबै मृगौलामा समस्या आएपछि गम्भीर अवस्थामा पुगेका छन् । उपचार गर्न आफ्नो आर्थिक अवस्थाले नसक्ने भएपछि जीवन बचाईदिन सबै सहयोगी महानुभावसंग अनुरोध गरेका छन् ।
आर्थिक अवस्था निकै कमजोर भएका नरेन्द्रको ३ वर्ष पहिले मात्रै टिचिङ हस्पिटल काठमाण्डौंमा दुबै मृगौलामा खराबी आएको पत्ता लागेको थियो । वैदेशिक रोजगारीका शिलशिलामा साउदी अरब गएका बेला उनी विदेशबाटै बिरामी भएर स्वदेश फर्किएका थिए । विदेशमा खासै राम्रो उपचार नभएपछि उनी नेपाल फर्किएर काठमाण्डौं स्थित टिचिङ हस्पिटलमा उपचार गराउँदा त्यहाँ रोग पत्ता लागेको उनले बताए । डाक्टरले मृगौला प्रत्यारोपण गर्नुपर्ने बताएका छन् । उपचारकै क्रममा आफुसँग भएको सम्पुर्ण सम्पत्ति सकिएकोले उपचारमा निकै समस्या भएको जि.सी.ले बताउका छन...
